သံယောဇဉ် အဖြူရောင် မြစ်တစ်စင်း
သန့်ရှင်းလက်ဆတ်မှုအပြည့်နဲ့
တို့ရင်ထဲ ဖြတ်သန်းစီးဆင်းနေတယ်
ပျော်ရွှင်မှုအပြည့်နဲ့ အများအကျိုးကိုဆောင်မဖို့...။
ငါ့စာမျက်နှာထဲ မင်းအမြဲရှိသလို
မင်းစာမျက်နှာဆီသို့ ငါ့ကို
အချိန်တွေနဲ့အတူ တရွေ့ရွေ့
ဦးဆောင်ခေါ်ယူသွားလို့။
သဇင်ပန်းတွေ နန်းမြင့်ရောက်ဖို့
ဆင်ဖြူတော် တစ်ဖွားဖွားပေါ်နေတယ်
သဇင်တွေတိုးစိုက်ကြမယ်
အပင်ငယ်လေးတွေ ပိုပိုပွားလို့။
ရာသီချိန်မှာ လှပသွားစေဖို့
အခွင့်သာတဲ့ ဒီအချိန်လေးမှာ
မြေသြဇာထည့် စိုက်ပျိုးကြမယ်
မောင်၊ညီမငယ်တွေကိုလည်း
လမ်းဖွင့် သင်ကြားစို့နော်…သူငယ်ချင်း။
နှင်းပန်းညို
၂၁.၉.၂၀၁၀
No comments:
Post a Comment